؛




لاترد الزياره ..
لاتجيني ..
ما بقى بي قلب يستاهل حنينك ..
لاتجيني ..
لو تشوفني على أرصفة الشوارع ..
إتركني ..
أتسكّع في ممرات المدينة .. قلب ضايع ..
وتلّقفني عيون الناس وتفتش ملامح وجهي وتقفي حزينه ..
كثّر الله خير قلبك ..
لاتجيني ..



.../ مو رخيص ..
لا وربي..
كنت أصدق من عرف قلبي وحبّه ..
كنت أوفى العابرين من الأحبه ..
آه يا أنت ..
صار أسمك في حديث القلب كنت ..
وآنا مليت أتعلّق في ضمير الغايبين ..
وإتعداني السنين ..
غيب أكثر ..
غيب أكثر..
لإنك أقرب من قلوب الناس وأبعدهم مسافه ..
ياحسافه ..
مثل طعم الآه كنت ..
لاترد الزياره ..


ردّ لنفس الطريق اللي بدت به غيابك ..
آنا مو محتاجه عطفك ..
كثّر الله خير قلبك ..
كان من ذوقك ولطفك ..
بس أنا محتاجه أكثر ..
من مجرد جبر خاطر ..
( لو ) تردي الزياره ..


آنا محتاجه لعمر ثاني أعيشه ..
شي أكثر من زياره ..
آنا محتاجه للكثير ..
حتى لو قلبك كبير ..
آنا يا جرحي الجميل ..
باقي بعمري قليل ..
صدقني ..
كنت أغرّد خارج أسراب الطيور ..
كانت الأيام بور ..
وكنت أكابر..
وآتقاوا ..
وآتهاوا ..
وآتهاوا ..
وآتهاوا ..
لين طحت ومالقيتك ..
كنت والله ..
أيه وربي ..
كنت محتاجتلك كثير ..
ما ذكرت ..
وش كثر مني زعلتي ..
وش كثر رحتأنت وأنا جيتك ..
ما ذكرت !!
كنت محتاجتلك صحيح ..
كنت انادي لك وأطيح ..
كثّر الله خير قلبك ..
أنا مو محتاجه عطفك ..
لا تجي ..
لا ترد الزياره . .